Mashy.com Blog Beta

 أمس الثلاثاء 4/3/2008 أستضاف د.فيصل القاسم على قناة الجزيرة دكتورة  وفاء سلطان من أمريكا ,, عن حرية الرأى .. وتعامل الغرب معنا بعكس تلك الحرية .. ولا تتصوروا كمية السخام والحقد التى أخذت تصبها على قرآننا وديننا وشريعتنا ورسولنا .. وقد وصفتنا بالهمجية والتخلف والإرهاب .. وأننا نحن الذين أسسوا المجازر كمجزرة اليهود فى بنى قينقاع !!! ,,, وأن آياتنا تدعو الى القتل والقتال وتحث على الشهادة وأهدار الأنسانية ,, ونحن قوم نعيش على خرافات عمرها أكثر من 1400 عام ,, كشرب بول الأبل ,, وقطع الأيادى والأرجل من خلاف !!

وقد رد عليها الأستاذ / طلعت رميح بما قدره عليه الله .

أولا ,, أنا من أول الناس الذين يحثون على عدم الأنخداع بالشهادات العلمية مثل الدكتوراة .. فالغرب أعطى شهادات دكتوراة كثيرة لعرب قضوا فترة دراستهم فى اللهو أو فى العمل كمرشدين أو عملاء ,, وكسلاح حربة لتخريب حياة منطقتنا 

ويكفى نظرة الى الوزراء والكبراء الذين يتحكمون فى حياتنا وجلهم حاصلين على شهاداتهم العلمية من الخارج ,, وأنظر الى الخراب الذى عم وشمل من جراء سياساتهم الغير رشيدة وغير نظيفة

كما أؤكد لكم أن أى شخص متآلف مع القراءة ,, والبحث فى المكتبات والقواميس ودوائر المعارف ,, بإمكانه بسهولة أن يضع رسالة علميه ويحصل بها على الدرجة التى يتشامخون بها علينا ,, وعن تجربتى الخاصة فقد قمت فى شبابى بالعديد من تلك البحوث وجمع المعلومات وتأصيلها وتبويبها ,, لصالح من تقدم بها لنيل الدرجة .

أن القرآن الذى لا تعترف به الدكتورة قد أخبرنا أن اليهود والنصارى لن يتبعوا ملتنا ,, وكان يمكنها تكذيب هذا القرآن بأن تتبع تلك الملة !!

أن الغرب الذى وضع قوانين مشددة لعدم التشكيك فى مزاعم محرقة اليهود ( بوثائق تاريخية كما قالت الدكتورة ) قد فتح الهجوم على وثيقة المسلمين التاريخية ( القرآن ) حيث لم يعد لهذه الوثيقة أشخاص تحميها !!

عندما قامت أستراليا منذ أيام بالأعتذار عن إبادة سكان أستراليا الأصليين ,, تذكرت المثل : ( يقتل القتيل ويمشى فى جنازته ) وطبعا أمريكا لم تعتذر للآن عن إبادة الهنود الحمر سكان أمريكا الأصليين ,, فالمنطق يقف ويعجز أمام البلطجة

ناهيك عن مجازر الإيطاليين فى ليبيا ,, أو الفرنسيين فى الجزائر ,, أو مجازر الأسبان فى محاكم التفتيش لكل من يستهلك مياه كثيرة ( الوضوء ) أو وجدوا لديه مصحف ,, أو أكتشفوا أنه مختتن ,, ومن قبلها مجزرة القدس فى الحرب الصليبية .

أمريكا التى تعيش الدكتورة على أرضها ,, لم يحمر وجهها وتغضب ,, من جراء تدمير بلدين فى اليابان بالقنابل الذرية ,, بنسائها وأطفالها وشيوخها وزرعها وضرعها .

أمريكا التى أتحدى الدكتورة أن تنفى أن ببيتها أجهزة إنذار وحماية أليكترونية .. من السرقة والهمجية والبلطجة الأمريكية ,, مثلها مثل كل بيوت الأمريكان .

أمريكا التى أتحدى الدكتورة أن تسير بمفردها بعد المغرب فى أى من شوارعها .

أمريكا التى جعلت شعارها فى غزو العراق ( المجد للعذراء ) هى فى الحقيقة أهانت العذراء بوضع ذلك الشعار على طائراتها التى تلقى بالموت والدمار على النساء والأطفال .

قد أفهم الحقد الصهيونى لنا ,, فليس لديهم خيار إلا محو فلسطين من على الخريطة حتى تخلص لهم دولتهم الموعودة حسب عقيدتهم,, وهذا لا نرضاه ,, وسيستمر الصراع ,, ومادام الغرب سلط علينا وكيله الأسرائيلى ,, فسنستمر فى تخلفنا وإرهابنا على رأى الدكتورة حتى يأتى نصر الله ,, ووالله يادكتورة إن نصره لآت وإن نصره لقريب .

 - يلملم العام أوراقه ,, إستعدادا لرحيل لا عودة بعده ,,

ويأبى إلا أن يخط فى صفحات أحزاننا خطوطا موجعة ,,

فهو يودعنا بعبوس .. تاركنا فى أسى على بلاد الأسلام ..

فلقد أختصت ديارنا عن سائر بلاد الخلق ,, بالقتل والموت والتفجيرات حينا ,, وبالحصار والتضييق حينا ,, وتداعت علينا عصابات لم تجد ألذ من لحمنا ,, وأصبحت قبلتنا للبيت الأبيض .. وأنتشر الفساد وعم وغم ..

ومهما أنتظرنا الفرج ,, ونحن مستسلمون ,, فنحن نختم وثيقة موتنا ,, لنسلمها 31/12/2007 للعام المنصرم ,, ولا حول ولا قوة إلا بالله

- أحبابى .. وأبنائى ,, كل عام وأنتم جميعا بخير وصحة وسعادة ,, والعام القادم إن شاء الله نكون جميعا قد بدأنا نهضة بلدنا وإخراجها من كبوتها ,, وقد رفع الله عنا البلاء والغلاء وكل داء 

معلهش تأخرت بسبب عطل الكمبيوتر . 

 أزيكم ياجماعة

طبعا أنتم عارفين أنا واحد من عامة الناس ,, لا لى ميراث أعتمد عليه فى هذه الأيام البمبى مسخسخ .. حيث والدى كان عامل مسكين مقهور,, ولو كان حرامى كنت أكيد عايش دلوقت مستور ,, وماليش ظهر أتركن عليه ..لا عميد فى أمن الدوله ,, ولا أمين شرطه ,, ولا حتى مخبر ,, حيث أنى أكره أهل الشرطة لله فى لله ,, ولما أمر على قسم شرطة سيدى جابر ,, وأقرأ يافطة ( أدخلوها بسلام آمنين ) ,, أفتكر عم عبده,, البقال الحرامى ,, اللى كانت بقالته أسمها بقالة الأمانة ,, أو فسخانى الشفاء ,,وكل الحاجات الكدابة اللى عايشين فيها

وبعدين طبعا أنا راجل خايب ,, لأن من علامات الخيبة ,, أنك تمر بكل المآسى والأهوال اللى بيمر بها المصرى المأصل ,, مش الحرامى ولا المرتشى ولا اللى مالهش ظهر

ويوم الجمعة اللى فاتت بعد صلاة الفجر ,, أم محمد قالت لى : مافيش عيش غير رغيفين ,,,, وأحنا ماشاء الله 6 أنفار ,,, دا أنا اللى بقول لكم مش أم محمد!! قلت لنفسى : ياواد ياصالح ,, أستنى لما النهار يشقشق ,, والأفران تشتغل ,, وتنزل بدرى بدرى ,, تجيب العيش ,, وتكون الناس لسه نايمة ,, وأضحك على السبعين مليون ( لا مؤاخذه سبعة وسبعين فى عين العدو ) وأشترى العيش والناس لسه نايمه مرحرحه علشان النهارده الجمعه !!

قوم أيه ياسيدى !! ولا سيدى وسيدك غير الحبيب ,, اللى بالصلاة عليه قلبك يطيب ,,,, نازل أنا الساعة سبعة ونص متشملل ,, فاكر نفسى عنتر اللى رايح يجيب الأبل والجمال والأحمال لعبله ,,,, وعينك ما تشوف الا النور عند أول فرن ... أيه يابا اللى بيحصل ده ؟؟ الناس بايته على الفرن ولا أيه ؟؟ نفسى الأمارة بالسوء قالت لى : ياواد يمكن المنطقة دى كمية الدقيق فيها شويه ولا حاجه ,, زق عجلك على فرن ثانى ,, واللى فى الثانى أوسخ من الأولانى .. ومن فرن لفرن ياقلبى لا تحزن

وحيث أنى من الفصيله ,, اللى بيقولوا عليها أقرع ونزهى ,, وموتى وسمى أقف فى طابور ,, وحد يزقنى أو أزق فى حد ,, وهى فصيله منقرضة ,, ويبدو أنى آخر واحد فيها ,, وكمان أنا من النوع الحساس (( بس ياخبيث حساس مش حشاش )) قلت ياواد يا ابو الصلح ,, ما منهاش روح أشترى عيش من أبو ربع جنيه ,, من عند البقال ,, والبقال اللى لقيت عنده عيش من أبو ربع جنيه ,, بصراحه خفت عليه أحسن هيئة الآثار ييجوا يشوفوا العيش ,, ويفتكروا أنه كان مع تابوت ( منكاورع ) ,, ورجعت البيت بالعيش الأثرى ,, وقفايا يقمر عيش ,,

شوفتوا يا مصريين ,, حتى قفانا ما بقاش يقمر عيش

وكان شعورى ساعتها ,, شعور واحد ,, حاصل على شهادة معاملة أطفال ,, لو كنت لقيت واحد من اللى بيغنوا لمصر ,, كنت ضربته بالصرمه القديمه

توته توته خلصت الحدوته

- أنا بصراحة ما شفتش شعب غتت وظالم فى حكومته زى شعبنا !!

حكومتنا الطيبة بنت الحلال ,, جاهدت وكافحت عشان تعلم شبابنا المغامرة وعدم الخوف من الموت ,,,,, لما قفلت المصانع عشان شبابنا يعملوا رحلات ترفيهيه فى قوارب الهجرة لإيطاليا !! طب ياظلمه فيه حكومه فى العالم عملت الأنجاز ده ؟؟

ويا أخى عالم جبلات ,, عاوزين الحكومة تغمس لهم وتحطلهم الدعم فى بقهم !!

يعنى تعمل لكم دعم ,, مش عاجبكم ,, تشيل الدعم ,, وتديلكم بداله فلوس ,, برضه مش عاجبكم ,, والأكاده فيه واحد حاقد على حكومتنا الطيبه ,, بيقول أن الحكومة ح تحاسبك بالدعم على الرغيف إن ثمنه خمسة قروش ,, وتقوم عامله حركه من ورانا ,, بعد ماتدينا الخمسة قروش ,, وتقوم بايعه الرغيف بنص جنيه !! طب وفيها أيه ياظلمه ؟؟ ما أنت ح تتنيل وتدفع فى الرغيف 45 قرش بس .. لكن الأغنياء ح يدفعوا 50 قرش بحالهم فى الرغيف ( الكلام ده مش عليك أنت .. لأ على حد تانى )

وبعدين الحكومة بتريحكم من غلب الدنيا وبلاويها ,, بإلغاء المستشفيات والتأمين الصحى ,, وتقابلوا رب كريم بدرى بدرى ,, ولا أنتو مش عاوزين تقابلوا ربنا كمان ؟؟

كل اللى بتعمله حكومتنا الطيبه ,, مش بيحوق فى الشعب البجح ده ,, والله أنا زهقت منكم ,, وياريت حد فيكم يقولى على عنوان الراجل اللى بيسفر رحلات الهجرة لأوروبا ,, وأقرب ميعاد للقارب ح يطلع أمتى ؟؟

وحدوووووووووووووووه

الأخ العزيز أستبينا

جرى العقد المتعارف عليه بين الحاكم وما يمثله من حكومة وبين الشعب ,, بكافة طوائفه ,,,,, أن يوفر الشعب للحاكم وحكومته نصيبا من الدخل العام ,, يحفظ عليهم كرامتهم ومقامهم كممثلين له .. فى مقابل أن تقوم الحكومة بمهامها التنظيميه والقيادية للحفاظ على المجتمع وتوفير الرعاية الصحية ,, والتعليم .. وأقامة المشروعات والمصانع وتنظيم الزراعة والرى والخدمات.. لتوفير الوظيفة الكريمة لأفراد الشعب ,, وحماية أمن الشعب والدولة .

ولأن الحكومة قد فرضت نفسها على الشعب .. غصبا وأقتدارا ,, بالتزوير والتدليس بقوة وزارة الداخلية ,, وبطشها ,,,,,   فقد إنهار العقد السابق الإشارة اليه !!

وحيث أن الشعب لا يمثل للحكومة أى قيمة ,, فقد أنسحبت الحكومة من أداء مهامها تجاه الشعب ,, وتقلص عملها فى الحفاظ على أقصى منافع تنتفعها .. حاكم وحكومة ,, حتى وصل الأمر برجال الحكومة أن عملوا بالنهب والتجارة ,, وعلى رأسهم حاكم جل همه توريث الجمل بما حمل لنجله

وأنهارت الصناعة ,, والتى بدلا من تطويرها ,, باعوا المصانع ,, وقبضوا ثمنها .. وأنهار التعليم ,, وأصبحنا فى مؤخرة الأمم ,, وأنهارت الرعاية الصحية ليصبح الداخل الى المستشفى مفقود ,, والخارج مولود ,, وتقهقرت الزراعة ,, ومن بعد أن كنا ملوك القطن .. أصبحنا ملوك المسرطنات ,,,,,,........ وقس على الحال كل شئ .

وأصبح هناك جهتان فقط يتم الأغداق عليهما من قبل رأس الدولة ,, وهما كبار رجال الجيش وكبار رجال الداخلية ,, بصفة مكافأة ولاء ,, وفى الحقيقة هى بصفة السكوت عن التخلى عن واجبات الحكومة تجاه الشعب المسكين ,, ويمكننا أستثناء رجال الجيش ,, حيث لم يسبق للجيش أن تعامل مع الشعب معاملة سيئة بعكس الداخلية التى كرهها الشعب من أفعالها كراهة الموت

ولو سألت صديقك ساطان النجارة عن ثمن صالون نصف كم ,, لطلب ما لا يقل عن 10 آلاف جنيه ,, وهو مبلغ لا يهش ولا ينش لكى تبدأ به مشروع لبيع الخضار على الرصيف ,, وسط مئات سبقوا وتطاحنوا على نصف متر ليبيعون بضاعتهم ,, ثم يأتى أشاوس الداخلية ليقوموا بنهب الأقفاص ,, كإزالة ,,, أزال الله كل ظالم

يعنى حكومة لا بترحم ولا تسيب رحمة ربنا تنزل ,, وجاى تقوللى هجرة غير شرعية ؟؟ وهى الحكومة هى اللى شرعية ؟؟

الشاب ياسيد أستبينا عشان يجيب شقه متواضعه ,, وعفش متواضع ,,ويعمل فرح متواضع ,, ويبقى مديون بأقساط طول عمره ,, عاوزله 70 الى 80 الف جنيه !!!

ولما الأسرة الفقيرة تبيع دهبها وبهايمها وتستلف ..وهى ميته ,, وأبنها ميت ,, مش ح تفرق كثير لو أبنها مات غرقا,, عشان هم عايشين ميتين طبيعى .

لو قرأت بروتوكولات حكماء صهيون .. ح تلاقى اللى بيمر بالبلد .. مخطط ومنظم من زمان .. عشان مصر كنانة الله ,, مش لازم تبقى صاحيه .. ولا زم تبقى كنانه أصابها الصدأ,, وأبقى دور على أندية الروتارى والليونز والماسونيه اللى مشترك فيها كل رأس كبيره فى البلد ,, ومتوزع عليهم الكعكة ,, والشعب ياولداه مش لاقى حتى ميه وسخه ,, مش ميه نظيفه !!

وردا على تساؤلات السلطان سعيد

1- الرقيق الأبيض له سعر ,, لكن أحنا مالناش سعر

2- الأنتحار موجود بالفعل ,, لأن حكومتنا نحرتنا من بدرى

3- القتل متوفر .. فى أقسام الشرطة ,, والكبد الوبائى .. والفشل الكلوى

4- شباب مين ياعم .. دا كله بيتعالج ,, وبياخد فياجرا ,, والحاله نايمه برضه

5- ( وراحت المركب ميت حته ) عن قصة مرزوق العتقى .. طب ما تيتانيك غرقت

6-السفن تهرب الشباب رواحا ,, وتعطيهم السلطانيه نواحا

7- غفر السواحل بعافية شويه

8- أنهى شيخ الأزهر والمفتى حصة التوعيه ,, راحوا مشوار يشتروا فيلا جديده

9- الأسره لسه ماجتش من على باب السيده

يعنى ياعم أستبينا مش كنت تسيبنى فى حالى .. لازم تنكشنى ,, وتودينى فى طوكر

مع السلامه ربنا يستر ,, أبقى خللى بالك من العيال